Təcrübə proqramı

Bizimlə möştəşəm karyeraya başlamaq üçün ilk addım atmağa hazırsınız? Təcrübə proqramının tərkib hissəsi kimi sizə bu imkanı yaradırıq. Bu fürsəti əldən verməyin və proqram üçün müraciət edin. Proqramla bağlı tələblərlə tanış olun.

İlk addım kimi karyera üçün bizim şirkətdə keçəcəyiniz təcrübə proqramından yaxşı nə ola bilər? Siz hiss edilən faydalar və ölçülə bilən nəticələr verən real layihələr üzərində işləyəcəksiniz. Bununla yanaşı, qarşılaşdığımız ən vacib çətinliklərdən bəziləri haqqında öyrənmək və onların həllinə kömək etmək imkanınız olacaq.

BU NƏDIR?

Tələbələr üçün yay təcrübə proqramı BP şirkətində yay tətili zamanı 10 həftəlik çalışmaq imkanıdır. Təcrübəniz müddətində siz rəqabətə davamlı əmək haqqı alacaq, əsl komanda işi ilə tanış olacaq və ən son avadanlıq və texnologiyalardan istifadə etməklə yüksək dərəcədə ixtisaslı və təcrübəli əməkdaşlarla birlikdə çalışaraq enerji dolu layihələrdə və əməliyyatlarda iştirak edecəksiniz. Karyera təşəbbüslərinizi üzə çıxarmaq və müvəffəqiyyətli karyera üçün sizə lazım olacaq texniki və fərdi bacarıqlarınızı inkişaf etdirmək imkanı qazanacaqsınız.

BU NECƏ BAŞ VERIR?

Təcrübənizin başlanğıcında biz sizin təcrübə zamanı inkişaf etdirə biləcəyiniz bacarıqları müzakirə edəcək və sizi proqram boyu inkişafınızı qiymətləndirməyə həvəsləndirəcəyik. Bütün təcrübə keçənlərə menecerlər yardım edəcəkdir. Onlar sizinlə birlikdə işin məqsədlərini müəyyən edəcək və bu məqsədlərə nail olmaq üçün sizə lazımi dəstəyi göstərəcək, avadanlıqlarla təmin edəcəkdir.

Təcrübənizdən maksimum dərəcədə istifadə etmək üçün təfsilatlı və mərkəzləşdirilmiş qiymətləndirmə prosesi çox vacibdir. Meneceriniz sizin inkişafınıza nəzarət edəcək, bütün təcrübə boyu və əsasən də proqram müddətinin ortasında aparılan qiymətləndirmə zamanı bu barədə sizinlə müzakirə aparacaq. Bu sizə təcrübə zamanı hansı nəticələrə nail olmağınızı görməyə və təcrübənin tamamlanmasına qədər əlavə hansı bilik və bacarıqlara ehtiyacınız olduğunu müəyyən etməyə yardım edir.

Bundan əlavə, təcrübə zamanı BP şirkəti daxilində əməkdaşlarla əlaqə qurmağa köməklik göstərən, irəliləyişlərinizi müzakirə edən və yaranan hər bir sualınıza cavab verə biləcək bir iş yoldaşı təyin olunacaq.

KİM ƏRIZƏ VERƏ BILƏR?

Bakalavr və ya magistr dərəcələri üzrə təhsilini 2019-ci ildə bitirən bütün tələbələr 2018-ci il təcrübə proqramında iştirak üçün müraciət edə bilərlər. 

Yalnız Azərbaycan Respublikasının vətəndaşları bu proqramda iştirak edə bilərdilər.

NECƏ ƏRIZƏ VERMƏLI?

BP Azərbaycanın 2018-ci il üzrə təcrübə proqramına ərizə qəbulu Oktyabrın 30-da  başlayacaq və ərizələrin qəbulu üçün son tarix 15 dekabr, 2017 olacag.

Ərizələrin qəbulu və seçim prosesi haqqında ətraflı məlumatı saytımızın Seçim prosesi bölməsindən əldə edə bilərsiniz. Hər hansı əlavə məlumat üçün İnsan resursları şöbəsinin əməkdaşı Səbinə Vəliyeva  ilə əlaqə saxlaya bilərsiniz. Əlaqə telefonu: +994 (0)12 599 3000. Elektron poçtu: grads&interns@bp.com.

BİZƏ KİMLƏR LAZIMDIR?

Bizə aşağıdakı ixtisaslar üzrə namizədlər lazımdır:

  • SƏTƏM – əməyin təhlükəsizliyi üzrə mühəndis
  • SƏTƏM - ətraf mühit üzrə mühəndis
  • Mühəndislik -texnoloq and texnoloji proseslərin təhlükəsizliyi üzrə mühəndis
  • Mühəndislik – mexanika üzrə mühəndis
  • Mühəndislik - idarəetmə və avtomatika üzrə mühəndis
  • Mühəndislik - inşaat və tikinti üzrə mühəndis        
  • Mühəndislik – elektrika üzrə mühəndis              
  • Quyular üzrə mühəndis
  • Sualtı əməliyyatlar üzrə mühəndis
  • Qazma qurğusu üzrə mühəndis
  • Yataqların işlənmə texnologiyası və neft-qaz hasilatı texnologiyası üzrə mühəndis        
  • Geologiya elmləri üzrə mühəndis
  • Maliyyə
  • Təchizat və Tədarükün İdarə edilməsi

GƏLİN GÖRÜŞƏK

Proqram haqqında hələ də sualınız var?

Biz hər il proqramımızı elan etdikdən sonra bu proqram haqında daha geniş məlumat vermək məqsədilə məlumat xarakterli görüşlər keçiririk. Sizi maraqlandıran bütün suallara cavab almaq üçün biz hamınızı bu görüşlərdə iştirak etməyə dəvət edirik. Görüşlər barədə ətraflı məlumat almaq üçün Gəlin görüşək bölməsini yoxlayın.

Siz saytımızın Bizimlə əlaqə bölümü vasitəsilə suallarınızı/şərhlərinizi də bizə göndərə bilərsiniz. Sualınızı göndərməzdən əvvəl əmin olun ki, “İnternship/Təcrübə proqramı” kateqoriyasını seçmisiniz.