Sayt trafiki haqqında məlumat və "cookie" fayllar

Saytımızın səmərəliliyi barədə məlumat toplamaq və təhlil etmək, həmçinin saytımızın funksionallığını təmin etmək üçün biz "cookie" fayllardan (və analoji texnologiyalardan) istifadə edirik. "Cookie" fayllar həmçinin bizə və üçüncü tərəflərə saytımıza və eyni onlayn şəbəkədə, o cümlədən sosial şəbəkələrdə digər üçüncü tərəf vebsaytlarına daxil olarkən gördüyünüz reklamları uyğunlaşdırmağa imkan verir. 'Agree' (Razıyam) düyməsini basmaqla siz "cookie" faylların bu cür istifadə olunmasına razılığınızı bildirirsiniz. Əgər razı deyilsinizdə və ya daha çox məlumat əldə etmək istəyirsinizsə, təqdim olunan linkdən istifadə etməklə "cooki" fayl seçimlərinizi idarə edə bilərsiniz.

Cookie fayllarıni idarə edin

  1. Əsas səhifə
  2. Xəbərlər
  3. Məqalələr
  4. bp-nin baş icraçı direktoru Bernard Luninin Bakıya səfəri

bp-nin baş icraçı direktoru Bernard Luninin Bakıya səfəri

Tarix:
11 noyabr 2021-ci il

bp-nin baş icraçı direktoru Bernard Luni Azərbaycanda ikigünlük səfərdədir. Bu, planlaşdırılmış işgüzar səfərdir.


Səfər proqramında nəzərdə tutulduğu kimi, bu gün səhər cənab Luni Azərbaycan Respublikasının Prezidenti zati-aliləri İlham Əliyev tərəfindən qəbul edilmiş və görüşdə bp-nin Xəzər regionunda əsas biznes fəaliyyəti olan neft və qaz layihələri çərçivəsində görülən işləri müzakirə etmişdir. 


Görüş zamanı cənab Luni həmçinin bp-nin Azərbaycanla uzunmüddətli tərəfdaşlıq öhdəliyinə sadiq olduğunu bir daha vurğulamış, görüləcək işlər və planlar haqqında məlumat vermiş, bp-nin Azərbaycanda və regionda bərpa olunan enerji layihələri də daxil olmaqla, enerji keçidi sahəsində yeni əməkdaşlıq imkanları axtarmaq niyyətini açıqlamışdır. 


Cənab Luni bu gün həmçinin SOCAR-ın prezidenti cənab Rövnəq Abdullayevlə də görüşmüşdür. 


Səfər çərçivəsində cənab Luni bir sıra digər görüşlər, o cümlədən bp-nin Azərbaycan, Gürcüstan, Türkiyə regionundakı bütün işçi heyəti ilə onlayn görüş keçirməyi planlaşdırır.


Sabah isə cənab Luni Azəri-Mərkəzi-Şərqi (ACE) platformasının üst modullarının istehsal-quraşdırma işlərinin aparıldığı tikinti sahəsinə baş çəkəcək. ACE layihəsi Azəri-Çıraq-Günəşli (AÇG) yatağının işlənməsinin növbəti mərhələsidir. Hazırda layihənin icrası üzrə işlər ümumilikdə 60% tamamlanıb və bu işlərə Bakı, Avropa və Birləşmiş Krallıqda 5500 nəfər insan cəlb olunub. ACE-dən ilk hasilatın 2023-cü ildə əldə edilməsi planlaşdırılır.