Cəmiyyət

Sosial sərmayələr 

Xəzərdəki layihələrin uğuru həm də əməliyyatçının regiondakı ölkələrin əhalisi üçün bu layihələr vasitəsilə hiss edilən faydalar yaratmaq bacarığından asılıdır. Buna nail olmaq üçün bp və tərəfdaşları mühüm sosial investisiya layihələri həyata keçirməyə davam edir. Bu layihələrə təhsil proqramları, yerli icmalarda bacarıq və qabiliyyətlərin yaradılması vasitəsilə yeni imkanların açılması, icmalarda sosial infrastrukturun təkmilləşdirilməsi, maliyyə vəsaitlərinə çıxışın təmin edilməsi və təlim vasitəsilə yerli müəssisələrə dəstək, mədəni irs və idmanın inkişafına dəstək, eləcə də hökumət qurumlarına texniki yardım daxildir.

2024-cü ilin birinci yarısında bp və onun əməliyyatçısı olduğu birgə layihələrdəki tərəfdaşları belə sosial investisiya layihələrinə Azərbaycanda təxminən 0,5 milyon dollar vəsait xərcləmişlər. Bu layihələrə on altı təhsil proqramı, yerli bacarıqların yaradılmasını və sahibkarlığın inkişafını dəstəkləyən üç layihə və ətraf mühit üzrə bir təşəbbüs daxil idi.

Ölkə iqtisadiyyatının güclənməsinə kömək etmək məqsədilə bp (özünün əməliyyatçısı olduğu birgə layihələrdəki tərəfdaşları adından) Azərbaycanın hər yerində yerli bacarıqların yaradılmasını və sahibkarlığın inkişafını dəstəkləyən sosial investisiya layihələrini davam etdirəcək.

Bu qəbildən Azərbaycanda həyata keçirilmiş və hazırda həyata keçirilən layihələrdən bəziləri bunlardır:

• bp (Azərbaycanda bp-nin əməliyyatçısı olduğu birgə müəssisələrdəki tərəfdaşların adından) Azərbaycanın 13 rayonundan olan aztəminatlı ailələrin məşğulluq imkanlarını yaxşılaşdırmaq və gəlirlərini artırmaq üçün onları yeni bacarıq və səriştələrlə təmin etməyə yönəlmiş layihəni dəstəkləyir. İlin birinci yarısında 340 benefisiar Beynəlxalq Əmək Təşkilatının “Biznesinə Başla və Təkmilləşdir” modullarına əsaslanan təlim proqramını başa vurub.
• bp (Azərbaycanda bp-nin əməliyyatçısı olduğu birgə müəssisələrdəki tərəfdaşların adından) Samux, Yevlax və Ağdaş rayonlarının icmaları da daxil olmaqla kənd yerlərində gənc sahibkarlara dəstək məqsədli yeni layihə həyata keçirir. Bu yeni təşəbbüs üç mərhələli inkişaf proqramına əsaslanır. Birinci mərhələ aztəminatlı ailələrdən olan biznes bacarıqlı gəncləri seçmək və onları gələcək biznes fəaliyyətlərinə hazırlamaq məqsədi daşıyır. Lazımi təlimləri bitirdikdən sonra iştirakçılar proqramın 2-ci mərhələsinə keçəcəklər və burada onlar öz kiçik bizneslərinə başlamaq üçün lazım olan avadanlıq və alətlərlə təmin olunacaqlar. 3-cü mərhələdə isə iştirakçılara layihənin təqdim etdiyi bilik, bacarıq və avadanlıqlardan səmərəli istifadə etməyə kömək etmək məqsədilə mentorluq dəstəyi veriləcək. İlin birinci yarısında layihə çərçivəsində ümumilikdə 65 benefisiar öz bizneslərini başlamaq üçün lazımi avadanlıq və cihazlarla təmin olunub.
• bp (Azərbaycanda bp-nin əməliyyatçısı olduğu birgə müəssisələrdəki tərəfdaşların adından) üç Gəncə universitetindən seçilmiş 60 müəllim üçün ingilis dili biliklərini təkmilləşdirməyə və innovativ tədris bacarıqlarını inkişaf etdirməyə yönəlmiş yeni təhsil layihəsini uğurla başa çatdırıb.

• bp (Azərbaycanda bp-nin əməliyyatçısı olduğu birgə müəssisələrdəki tərəfdaşların adından) Sumqayıt və Naxçıvan dövlət universitetlərindən seçilmiş 80 müəllim üçün ingilis dili biliklərini təkmilləşdirməyə və innovativ tədris bacarıqlarını inkişaf etdirməyə yönəlmiş təhsil layihəsinə dəstək verir. İlin birinci yarısında Sumqayıt Dövlət Universitetinin 40 fənn müəllimi ingilis dili səviyyəsini müəyyən etmək üçün sınaqdan keçirilmişdir. İmtahan nəticələrinə əsasən müəllimlər qruplara bölünərək təlimlərdə iştirak etməyə başlayıblar.

• bp (Azərbaycanda bp-nin əməliyyatçısı olduğu birgə müəssisələrdəki tərəfdaşların adından) ölkədə startap mühitinə töhfə vermək məqsədli layihəni dəstəkləyir. Layihə Tusi inkubasiya proqramının effektivliyini artırmaq və investorlar və real startaplar arasında əlaqəni dəstəkləməkdir.
• bp (Azərbaycanda bp-nin əməliyyatçısı olduğu birgə müəssisələrdəki tərəfdaşların adından) Gəncə, Daşkəsən, Tovuz, Ağstafa, Goranboy, Samux və Şəmkir rayonlarını əhatə edən layihəni uğurla başa çatdırıb. Layihə autizm və terapevtik idman mütəxəssisləri, könüllülər və autizmin qiymətləndirilməsi, diaqnostikası, reabilitasiyası və terapiyası ilə məşğul olan 180 mütəxəssis üçün xüsusi təlimlərin keçilməsini nəzərdə tutub.
• bp (Azərbaycanda bp-nin əməliyyatçısı olduğu birgə müəssisələrdəki tərəfdaşların adından) yerli universitetlərin təhsil potensialını artırmaq və tələbələrə davamlı biznesin qurulmasında dəstək olmaq üçün rəqəmsal innovativ sahibkarlıq üzrə onlayn təhsil platforması yaratmaq məqsədi daşıyan layihəni uğurla başa çatdırıb. Layihə çərçivəsində təlim materialları hazırlanıb və xüsusi rəqəmsal platforma qurulub.
• bp (Azərbaycanda bp-nin əməliyyatçısı olduğu birgə müəssisələrdəki tərəfdaşların adından) “Learning Management System” texnologiyasından istifadə etməklə peşəkar inklüziv təhsil proqramlarının inteqrasiyasını və genişləndirilməsini hədəfləyən layihəni uğurla bitirib. Layihə çərçivəsində CHED (Uşaqların Sağlamlığı, Təhsili və Sosial İnkişafı) və “Məktəbim” təhsil proqramlarının təlimi onlayn modelə uyğunlaşdırılıb və yeni qurulmuş veb-platforma yerləşdirilib.
• bp (Azərbaycanda bp-nin əməliyyatçısı olduğu birgə müəssisələrdəki tərəfdaşların adından) aztəminatlı ailələrdən olan 60 yerli ixtisaslı işçinin məşğulluq imkanlarını artırmaq məqsədli yeni təşəbbüsə dəstək verir. Layihə çərçivəsində bundan öncə peşə təhsili almaq imkanı olmayan ixtisaslı işçilər davamlı iş karyeralarının qurulması üçün tələb olunan sertifikat imtahanlarından keçib rəsmi diplomlar əldə edə biləcəklər. Layihə həmçinin sertifikat imtahanlarının ödənişini də qarşılayacaq.
• bp (Azərbaycanda bp-nin əməliyyatçısı olduğu birgə müəssisələrdəki tərəfdaşların adından) kənd məktəblərinin innovativ günəş istilik sistemi və istilik nasosları ilə təchiz edilməsini nəzərdə tutan yeni layihəyə dəstək verir. Hesabat dövründə məktəb daxilində istilik sistemi üçün borular çəkilmiş, istilik radiatorları quraşdırılmış, günəş panelləri və istilik nasosu alınaraq layihə ərazisinə təhvil verildikdən sonra quraşdırma işlərinə başlanmışdır.
• bp (Azərbaycanda bp-nin əməliyyatçısı olduğu birgə müəssisələrdəki tərəfdaşların adından) Azərbaycan Texnologiya Universitetinin “Avtomatlaşdırma, telekommunikasiya və kompüter elmləri” kafedrasının kibertəhlükəsizlik sahəsində təhsil potensialının gücləndirilməsini hədəfləyən təşəbbüsü dəstəkləyir. 
• bp (Azərbaycanda bp-nin əməliyyatçısı olduğu birgə müəssisələrdəki tərəfdaşların adından) orta məktəblərdə sahibkarlığın tədrisinə dəstək vermək məqsədi daşıyan layihəni uğurla başa çatdırıb. Layihə çərçivəsində 34 müəllim sahibkarlığın tədrisində öz pedaqoji bacarıqlarını təkmilləşdirib. Bundan əlavə, bu 34 müəllim ölkə üzrə 600-ə yaxın STEAM müəlliminə təlim keçib və onları məktəblərdə sahibkarlığın əsaslarını öyrətmək üçün zəruri biliklər və effektiv pedaqoji vasitələrlə təmin edib. Daha sonra təlim keçmiş müəllimlər ölkənin 51 rayonundakı 150 STEAM məktəbində 8000-ə yaxın şagirdlə sessiyalar və digər təlim fəaliyyətləri keçiriblər.
• bp (Azərbaycanda bp-nin əməliyyatçısı olduğu birgə müəssisələrdəki tərəfdaşların adından) 2021-ci ilin sentyabrında Rəqəmsal İnkişaf və Nəqliyyat Nazirliyinin təşəbbüsü ilə həyata keçirilən “Texnest” təqaüdlü təhsil proqramı çərçivəsində yerli İT mütəxəssislərinin inkişafına töhfə verən layihəni dəstəkləyir. Layihənin birinci mərhələsi uğurla başa çatıb. Yerli əmək bazarında İT mütəxəssislərinə olan tələbatı qarşılamaq üçün aztəminatlı ailələrdən olan 289 yeni iştirakçını müxtəlif İT sahələrində lazımi bacarıqlarla təmin etməyi nəzərdə tutan yeni mərhələ hazırda davam edir.
• bp (bp-nin Azərbaycanda fəaliyyət göstərdiyi birgə müəssisələrdəki tərəfdaşları adından) məktəblərdə inklüziv təhsilin gücləndirilməsinə yönəlmiş layihəni uğurla başa çatdırıb. Layihə Bakı, Sumqayıt, Şirvan, Gəncə, Abşeron, Quba, Şəki, Qazax, Xaçmaz, Qəbələ və Ağcabədi də daxil olmaqla ölkənin müxtəlif yerlərindən seçilmiş 24 məktəbi əhatə edib. Layihə xarici mütəxəssislərlə birgə hazırlanmış xüsusi təlim proqramı vasitəsilə 280 məktəb müəlliminin inklüziv təhsil sahəsində nəzəri biliklərini və praktiki bacarıqlarını təkmilləşdirmək məqsədi daşıyıb.
• bp (bp-nin Azərbaycanda fəaliyyət göstərdiyi birgə müəssisələrdəki tərəfdaşları adından) Tovuz rayonunda aqroturizmin inkişafına dəstək məqsədli layihəni uğurla başa çatdırıb. Layihə seçilmiş aztəminatlı ailələr üçün gəlir və məşğulluq imkanları yaratmağı nəzərdə tutub. Layihəyə aqroturizmlə məşğul olan yeddi xidmət təchizatçısının işçi heyəti üçün - ümumilikdə 27 nəfərə, təlim keçmək və mentorluq dəstəyi göstərmək, həmçinin həmin müəssisələri avadanlıq və alətlərlə təchiz etmək daxil idi. Bundan əlavə, ehtiyac olduğu halda bu müəssisələrin obyektlərinin təmirinə də dəstək vermək də nəzərdə tutulmuşdu.
• bp (Azərbaycanda bp-nin əməliyyatçısı olduğu birgə müəssisələrdəki tərəfdaşların adından) Kürdəmir rayonunda yaşayan aztəminatlı ailələrdən olan 25 benefisiar üçün məşğulluq və gəlir imkanlarının artırılmasına töhfə verən layihəni dəstəkləyir. Seçilmiş benefisiarlar dərzilik, aşpazlıq və elektrik xətlərinin tikilməsi, quraşdırılması və təmiri üzrə peşə təlimləri alacaqlar.

• bp (Azərbaycanda bp-nin əməliyyatçısı olduğu birgə müəssisələrdəki tərəfdaşların adından) Mingəçevir Dövlət Universitetində İKT kibertəhlükəsizliyi laboratoriyasının yaradılması layihəsinə dəstək verir. Təşəbbüs kompüter mühəndisliyi, informasiya texnologiyaları, kompüter elmləri və kiber/informasiya təhlükəsizliyi ixtisaslarından hər il 850-dən çox tələbənin faydalanması üçün mühəndislik fakültəsində tədris və təlimin keyfiyyətini artırmaq məqsədi daşıyır. Laboratoriya üçün tələb olunan avadanlıq və proqram təminatı təhvil verilmiş və quraşdırma işlərinə başlanılmışdır.

• bp (bp-nin Azərbaycanda fəaliyyət göstərdiyi birgə müəssisələrdəki tərəfdaşları adından) Tovuz və Ağstafa rayonlarında müharibədə zərər çəkmiş insanlara dayanıqlı gəlir mənbələrinin qurulmasına kömək etmək məqsədli layihəni uğurla başa çatdırıb. Layihə çərçivəsində həmin şəxslərə psixo-sosial və hüquqi yardım göstərilib, həmçinin şəbəkələşmə (sosial inteqrasiya) və istirahət düşərgəsi təşkil edilib. Ümumilikdə bu layihədən 600-ə yaxın insan yararlanıb. 25 nəfər müharibədə zərər çəkmiş şəxs isə Qaxda təşkil olunmuş şəbəkələşmə düşərgəsində iştirak edib.

• bp (bp-nin Azərbaycanda fəaliyyət göstərdiyi birgə müəssisələrdəki tərəfdaşları adından) Azərbaycan Dövlət Pedaqoji Universitetinin tələbələri üçün nəzərdə tutulmuş mühüm bir təlim proqramını uğurla başa çatdırıb. Proqramın əsas məqsədi ibtidai təhsil üzrə ixtisaslaşan bakalavr tələbələrinin inklüziv tədris bacarıqlarının inkişaf etdirilməsi olub. Universitetin İbtidai təhsil fakültəsinin təxminən 140 tələbəsi təlim proqramında iştirak edərək inklüziv təhsilin innovativ metodlarına və xüsusiyyətlərinə yiyələnib. Sonda onlara beynəlxalq sertifikatlar verilib. Proqram DanceAbility® adlanan beynəlxalq təlim metoduna əsaslanıb. Bu metod universal ünsiyyət üsullarından istifadə etməklə əlilliyi olan insanların müalicəsində və reabilitasiyasında inklüzivliyi əhatə edir.
• bp (bp-nin Azərbaycanda fəaliyyət göstərdiyi birgə müəssisələrdəki tərəfdaşları adından) 5-9-cu sinif şagirdləri üçün 5 tədris materialının hazırlanmasını nəzərdə tutan yeni layihəyə başlayıb. Layihə çərçivəsində video dərslərdən, ev tapşırıqlarından və riyaziyyat yönümlü viktorina suallarından ibarət tədris materialları hazırlanacaq. Video dərslərlə bağlı işlər demək olar ki, başa çatıb, viktorina suallarının və ev tapşırıqlarının hazırlanması işləri davam edir.

Bundan əlavə, bp ayrıca bir şirkət kimi öz adından Azərbaycanda sponsorluq etdiyi layihələrə 2024-cü ilin birinci yarısında təxminən 0,9 milyon dollar vəsait xərcləmişdir. Bu layihələr təhsilə (15 layihə), bacarıqların yaradılmasına və sahibkarlığın inkişafına (1 layihə), ətraf mühitin qorunmasına (4 layihə) və mədəni irsin və milli idmanın inkişafına (1 layihə) dəstək məqsədi daşıyan təşəbbüslər olub. Həmçinin, bu müddət ərzində bp ümumilikdə 6 konfrans, sərgi, forum və simpoziuma sponsorluq edib.

Bu layihələrdən bəziləri aşağıdakılardır:

• bp şirkəti startap və innovasiya, korporativ maliyyə, marketinq, sosial tədqiqat, beynəlxalq münasibətlər, iqtisadi siyasət, menecment iqtisadiyyatı, biznes və iqtisadiyyat üçün statistika, ekonometrika, psixologiya və informasiya təhlükəsizliyi barədə 14 akademik dərsliyin ingilis dilindən Azərbaycan dilinə tərcüməsini və çapını dəstəkləmişdir. Layihənin 15-dən çox yerli universitetdə 16 ixtisas üzrə tədris keyfiyyətinin artırılmasına töhfə verəcəyi gözlənilir.
• bp şirkəti universitetlərdə müəllimlər, tələbələr və inzibati heyət üçün “Fənlərarası əlaqələr – yeni biliklər istehsalı” dərsliyinin hazırlanması və nəşrini dəstəkləmişdir.
• bp şirkəti 20 məktəbin 8, 9 və 10-cu siniflərində oxuyan 400 şagirdin gələcək iş fəaliyyətləri ilə bağlı əsaslandırılmış qərarlar qəbul etmələrinə şərait yaradan karyera bələdçiliyi sessiyalarının keçirilməsini dəstəkləmişdir.
• bp şirkəti yerli universitet tələbələrinin, müəllimlərin və tədqiqatçılar üçün beynəlxalq tibb hüququ, mediasiya hüququ, beynəlxalq ictimai hüquq üzrə dərsliklərin hazırlanması və nəşrini dəstəkləmişdir.
• bp şirkəti iqtisadiyyat, makroiqtisadiyyat ixtisası üzrə təhsil alan yerli universitet tələbələri, eləcə də iqtisadiyyat, iqtisadi nəzəriyyələr, maliyyə və politologiya müəllimləri üçün Pol De Qrauvenin “Bazarın sərhədləri” dərsliyinin tərcüməsi və nəşrini dəstəkləmişdir.
• bp şirkəti Azərbaycan Texniki Universiteti üçün rəqəmsal kitabxana layihəsinə sponsorluq edib.
• bp şirkəti Bakı Mühəndislik Universitetində İKT və kibertəhlükəsizlik laboratoriyasının yaradılmasına dəstək verib.
• bp şirkəti Azərbaycan Memarlıq və İnşaat Universitetinin üç kafedrasının: mühəndis sistemlərinin və qurğularının, texnoloji maşın və qurğuların tikintisi, meliorasiya və su təsərrüfatının laboratoriya infrastrukturunun genişləndirilməsinə dəstək verib.
• bp şirkəti Sumqayıt Dövlət Universitetində kimya mühəndisliyi ixtisası üzrə magistratura proqramının yaradılmasını dəstəkləyib. Layihə çərçivəsində kimya mühəndisliyi laboratoriyası təkmilləşdiriləcək, yeni kurikulum hazırlanacaq, universitet müəllimlərinin biliyi, eləcə də tədris bacarıqları artırılacaq.
• bp şirkəti Azərbaycan Dövlət Aqrar Universitetində nəşr mərkəzinin yaradılması və istixananın bərpasına dəstək verib.
• bp şirkəti Azərbaycan Dövlət Neft və Sənaye Universitetində bərpa olunan enerji üzrə ikili magistratura proqramının yaradılmasına dəstək verib.
• bp şirkəti 22 istedadlı Azərbaycan vətəndaşının aparıcı beynəlxalq universitetlərə qəbula hazırlaşmaq üçün təlimlərini maliyyələşdirib. Bu günə kimi 22 tələbədən 21-i artıq aparıcı ali məktəblərə qəbul olub. Daha öncə isə bu təşəbbüsün uğurla başa çatmış birinci mərhələsi çərçivəsində 15 gənc dünyanın tanınmış universitetlərinə qəbul olub.
• bp şirkəti Tovuz rayonunda iki yeraltı su təchizatı mənbəyinin bərpasına dəstək verir. Bərpa edildikdən sonra bu iki mənbə təqribən 15 000 icma üzvünün məişət istehlakını və torpaqlarının suvarılması ehtiyaclarını ödəmək üçün ildə 2,5 milyon kubmetrə qədər şirin su ilə təmin edə biləcək.
• bp şirkəti Göyçay rayonunda yeni su təchizatı sisteminin yaradılmasına dəstək verir. Yeni sistem sel sularını toplamaq və təmizləmək üçün layihələndiriləcək və həmin suları torpağın suvarılması üçün yararlı hala gətirəcək. Sistemin ildə 500 min kubmetrdən çox suyu təmizləmək gücündə olacağı, beləliklə 100 hektara qədər ərazinin suvarılmasını təmin edəcəyi nəzərdə tutulub.
• bp şirkəti Kürdəmir, Ucar, Ağdaş, Yevlax, Goranboy və Samux rayonlarında 25-ə qədər içməli su, suvarma və kanalizasiya sistemlərinin yaradılmasına dəstək verir. Layihə ümumi əhalisi təxminən 25 000 nəfər olan 20-yə yaxın kənd icmasını əhatə edəcəkdir.
• bp şirkəti yerli ağac növlərinin əkilməsi və onlara qulluq göstərilməsi yolu ilə Zəngilan rayonunda biomüxtəlifliyin bərpasına dəstək verir.
• bp şirkəti “ASAN Könüllüləri” Gənclər Təşkilatı İctimai Birliyinin 80-ə qədər könüllüsünün iş bacarıqlarının və biliklərinin artırılmasını hədəfləyən təşəbbüsə dəstək verir.
• bp şirkəti Azərbaycanda idmanın inkişafına dəstək məqsədilə Milli Olimpiya və Paralimpiya Komitələri ilə onillik tərəfdaşlığını 2024-cü ilin sonuna qədər uzadıb.
• bp şirkəti “IADC Drilling Caspian 2024” sərgi və konfransına sponsorluq edib. Tədbirin məqsədi qazma sahəsində mövcud problemləri müzakirə etmək və ən qabaqcıl təcrübələri bölüşmək üçün sənaye liderlərini və qazma mütəxəssislərini bir araya gətirməkdir.
• bp şirkəti Azərbaycan İnsan Resursları (İR) İnstitutunun Bakıda təşkil etdiyi “World HR SUMMIT 2024”ün qızıl sponsoru olub. Tədbir insan resursları sahəsində qlobal yenilikləri və qabaqcıl innovasiyaların və texnologiyaların inkişafını müzakirə etmək üçün yüksək səviyyəli İR mütəxəssislərini bir araya gətirib.
• bp şirkəti “EY İlin İş Adamı” biznes müsabiqəsinə sponsorluq edib. Tədbirin əsas məqsədi sahibkarlıq fəaliyyətini təşviq etmək və uğurlu iş adamlarının nailiyyətlərini tanımaqdır.
• bp şirkəti gənclər arasında mövcud biznes potensialı haqqında məlumatlılığı artırmaqla ölkənin gələcək biznes liderlərinin yetişdirilməsinə yönəlmiş “Azərbaycan Biznes Keys Müsabiqəsi 2024”ə sponsorluq edib.
• bp şirkətinin əməkdaşları neft-qaz sənayesi üzrə öz bilik və təcrübələrini Azərbaycanlı gənclərlə bölüşmək məqsədilə 3 yerli universiteti təmsil edən 41 nəfər tələbəyə neft-qaz mühəndisliyi, əməyin təhlükəsizliyi, az karbonlu enerji və çeviklik üzrə üçgünlük təlimlər keçib və tələbələrə bu sahələr üzrə nəzəri biliklərin təcrübədə tətbiqi barədə məlumat verib. Təlimin sonunda iştirakçılara bp-nin daxili sertifikatları da təqdim edilib.
• bp şirkəti Azərbaycan İqtisad Universitetinin təşkilatçılığı ilə Bakıda keçirilmiş İqtisadiyyat və İdarəetmə Sahəsində Tədqiqatçıların 5-ci Beynəlxalq Elmi Konfransına sponsorluq edib.
• bp şirkəti hazırda Bakı Enerji Həftəsi kimi tanınan 29-cu Xəzər Neft və Qaz Sərgisinə və Bakı Enerji Forumuna sponsorluq edib və həmin tədbirlərdə yaxından iştirak edib.
• bp şirkəti UFAZ Elmi Komitəsinin təşkil etdiyi “Xəzər hövzəsi 2024: Keçid dövründəki dünyanın çağırışlarının qarşılanması” beynəlxalq konfransına sponsorluq edib.
• bp şirkəti Yaşıl Dünya Həmrəyliyi üzrə beynəlxalq foruma sponsorluq edib.

Əlavə məlumat üçün bp-nin Bakı ofisində Tamam Bayatlıya müraciət edə bilərsiniz.

Telefon: (+994 12) 525 5895