1. Əsas səhifə
  2. Xəbərlər
  3. Press relizlər
  4. BP-nin hazırki və gələcək rəhbərlərinin Azərbaycana səfəri

BP-nin hazırki və gələcək rəhbərlərinin Azərbaycana səfəri

Tarix: 11 Dekabr 2019

 
Bob Dadli, BP qrupunun baş icraçı direktoru, və onu gələn il bu vəzifədə əvəz edəcək Bernard Luni Azərbaycana işgüzar səfər ediblər. Cənab Dadli və cənab Luni dünən Bakıya gəliblər. 

 

Hazırda BP qrupunun Apstrim bölümünə rəhbərlik edən Bernard Luni, Dadlini BP qrupunun baş icraçı direktoru vəzifəsində 2020-ci il 5 fevral tarixindən başlayaraq əvəz edəcək və həmin tarixdən də BP-nin Direktorlar Şurasının üzvü olacaq.  


Bob Dadli doqquz ildən çox baş icraçı director olmaqla BP-də 40 ildir ki, işləyir.  O, 2020-ci il 4 fevral tarixində BP-nin baş icraçı direktoru vəzifəsindən və Direktorlar Şurasının üzvlüyündən gedəcək  və sonra 2020-ci il  31 mart tarixindən isə təqaüdə çıxacaq. 


Bu dəyişiklik haqqında BP-nin elanını aşağıdakı linkdə oxuya bilərsiniz: https://www.bp.com/en/global/corporate/news-and-insights/press-releases/bob-dudley-to-retire-to-be-succeeded-by-bernard-looney.html


Azərbaycana səfər proqramı çərçivəsində cənab Luni Azərbaycan Respublikasının Prezidenti zati-aliləri İlham Əliyevə təqdim olunmuşdur. Həmin görüşdə cənab Dadli Prezident Əliyevə BP-nin bu regionda əməliyyatçısı olduğu layihələrdə işlərin hazırki vəziyyəti və planları barədə məlumat vermiş, Azərbaycanın ən iri neft və qaz hasilatı, nəqli və kəşfiyyatı layihələrinin əməliyyatçısı kimi BP-nin davamlı fəaliyyəti haqqında danışmışdır. Dadli həmçinin Azərbaycanla və Xəzər regionu ilə əməkdaşlığın daha da güclənməsi və genişlənməsi yönümündə BP-nin uzunmüddətli öhdəliyini bir daha vurğulamışdır. 


Səfər çərçivəsində BP-nin Azərbaycan-Gürcüstan-Türkiyə regionu üzrə rəhbərliyi və əməkdaşları ilə bir sıra  şirkətdaxili görüşlər də keçirilmişdir.   

Əlavə məlumat üçün:

BP-nin Bakı ofisində Tamam Bayatlıya müraciət edə bilərsiniz.

Telefon: (+994 12) 525 5895