1. Əsas səhifə
  2. Xəbərlər
  3. Press relizlər
  4. BP və ARDNŞ Xəzərdə yeni geoloji-kəşfiyyat ərazisi üzrə Anlaşma Memorandumu imzalayır

BP və ARDNŞ Xəzərdə yeni geoloji-kəşfiyyat ərazisi üzrə Anlaşma Memorandumu imzalayır

Tarix: 13 İyul 2009

 

BP və ARDNŞ (Azərbaycan Respublikası Dövlət Neft Şirkəti) bu gün elan edib ki, onlar Xəzər dənizinin Azərbaycan sektorunda Şəfəq və Asiman perspektiv strukturlarının birgə geoloji-kəşfiyyatı və işlənməsi üçün anlaşma memorandumu imzalamışdır.

 

Azərbaycanın dəniz ərazilərinin hamısının tam işlənməsinin təmin edilməsi üzrə hökümət planının bir hissəsi kimi, bu memorandum BP-yə müstəsna hüquq verir ki, Bakıdan təxminən 125 kilometr (78 mil) cənub-şərqdə yerləşən həmin blokun geoloji-kəşfiyyatı və işlənməsi üzrə hasilatın pay bölgüsü sazişi bağlamaq üçün danışıqlar aparsın.

 

Bu Anlaşma Memorandumu Azərbaycan Respublikasının Prezidenti zati-aliləri İlham Əliyevin və Böyük Britaniyanın Baş Naziri Qordon Braunun iştirakı ilə, bu gün Londonda ARDNŞ-nin Prezidenti Rövnəq Abdullayev və BP-nin Geoloji-Kəşfiyyat və Hasilat üzrə Baş İcraçı Direktoru Əndi İnqlis tərəfindən imzalanmışdır.

 

Bu blok təxminən 1100 kvadrat kilometr ərazini əhatə edir və orada indiyədək heç bir geoloji-kəşfiyyat işi aparılmamışdır. Blok dənizin dərinsulu hissəsində suyun dərinliyinin təxminən 650-800 metr olduğu bir ərazidə yerləşir və kollektorun dərinliyi təxminən 7000 metrdir.

 

 

Əlavə məlumat üçün

BP-nin Bakı ofisindəki mətbuat xidmətində Tamam Bayatlıya müraciət edə bilərsiniz.

Telefon: +994 (0) 12 599 45 57