1. Əsas səhifə
  2. Xəbərlər
  3. Press relizlər
  4. Məktəb müəllimlərinin innovativ tədris bacarıqlarının artırılırmasına dəstək

Məktəb müəllimlərinin innovativ tədris bacarıqlarının artırılırmasına dəstək

Tarix: 9 dekabr 2019

BP və onun Azəri-Çıraq-Günəşli,Bakı-Tbilisi-Ceyhan, Şahdəniz və Cənubi Qafqaz Boru Kəməri layihələrindəki tərəfdaşları– “SOCAR”, “TPAO”, “PETRONAS”, “Chevron”, “LUKOİL”, “NİCO”, “Equinor”, “İNPEX”, “ExxonMobil”, “SGC”, “İTOCHU”, “ONGC”, “TOTAL”, “Eni” – bu gün məktəblərdə və digər təhsil müəssisələrində tədrisin keyfiyyətinin artırılmasına dəstək olmaq məqsədilə müəllimlər üçün yuxarı siniflərin kurikulum metodikasına dair bələdçi kitabın və terminlər lüğətinin təqdimatını keçirib. Kitablar Azərbaycan Respublikasının Təhsil Nazirliyi ilə əməkdaşlıq şəraitində hazırlanıb

 

Bu layihə BP-nin və tərəfdaşlarının təhsilin inkişafına dəstək vermək və bütün səviyyələrdə yerli bacarıq və səriştələri artırmaq istiqamətində götürdüyü öhdəliyin bir hissəsidir. Layihənin məqsədi müəllim və müəllim vəzifələrinə müraciət etmək  istəyən şəxsləri innovativ tədrisbacarıqlarını təkmilləşdirməyə yardım edəcək kurikulum bələdçisi ilə təmin etməkdir.

 

“ İnanırıq ki, bu kurikulum metodikası üzrə kitab və yeni kurikulumun tədrisi üzrə pedaqoji terminləri əhatə edən lüğət müəllimlər üçün dəyərli vəsait olacaq və onlara innovativ və qabaqcıl tədris metodlarının və üsullarının tətbiqində əlavə bələdçilik edəcək. Müəllimlər məktəb kurikulumunun hazırlanmasında, həyata keçirilməsində, qiymətləndirilməsində və dəyişdirilməsində mühüm rol oynayırlar. Bu kitaba dəstək olmaqla, biz müəllimlərin bu mühüm rolunu vurğulamaq və onların tədrisin və ümumilikdə ölkədəki təhsilin keyfiyyətinin davamlı surətdə artırılması istiqamətində gördüyü səylərə dəstək olmaq istədik. Ümid edirik ki, həm bugünkü, həm də gələcəyin müəllimləri bu vəsaitdən bəhrələnəcəklər.”

 

Bəxtiyar Aslanbəyli , BP-nin əlaqələr, xarici işlər və strategiya üzrə vitse-prezidenti

 

Layihənin ümumi dəyəri təxminən 60,000 AZN-dir.

 

Layihənin icraşısı  “AzEdu MMC”-dir.

 

Layihə çərçivəsində 500 kitab və 3000 lüğət dərc edilib və bunlar müəllimlərə və təhsil  mütəxəssislərinə təqdim ediləcək, habelə məktəblərə və digər təhsil müəssisələrinə hədiyyə  olunacaq.

 

Daha geniş auditoriyanın istifadəsi üçün kitabın və lüğətin elektron versiyaları www.AzEdu.az vebsaytında yerləşdiriləcək.

 

Əlavə məlumat üçün:


BP-nin Bakı ofisindəki mətbuat xidmətində Tamam Bayatlıya müraciət edə bilərsiniz.
Telefon: (+994 12) 525 58 95